7 июля 2005 г., 6:10:41 PDT
Присоединяюсь, Всех с Праздником!
Молитва о даровании покаяния Пророку Иоанну, Предтече и Крестителю Господню
Крестителю Христов, проповедниче покаяния, кающагося не призри мене, но, совокупляяся с вои Небесными, молися ко Владыце за мене, недостойного, унылаго, немощного и печального, во многия беды впадшаго, утружденнаго бурными помыслы ума моего. Аз бо есмь вертеп злых дел, отнюдь не имеяй конца греховному обычаю, пригвожден бо есть ум мой земным вещем. Что сотворю, не вем, и к кому прибегну, да спасена будет душа моя, токмо к тебе, святый Иоанне, благодати тезоимените, яко тя пред Господем, по Богородице, все больша быти рожденных всех: ты бо сподобился еси коснутися верху Царя Христа, вземлющаго грехи мира, Агнца Божия. Егоже моли за грешную мою душу, да поне отныне, в первый-надесять час, понесу тяготу благую и прииму мзду с последними. Ей, Крестителю Христов, честный Предтече, крайний пророче, первый во благодати мучиниче, постников и пустынников наставниче, чистоты учителю и ближний друже Христов, тя молю, к тебе прибегаю, не отрине мене от твоего заступления, но застави мя, пашагося многими грехи, обнови душу мою покаянием, яко вторым крещением, понеже обоего начальник еси, крещением омываяй грех, покаяние же проповедуяй во очищение когождо дел скверных; очисти убо мя, грехми оскверненного, и понуди внити, аможе ничтоже скверно входит, в Царствие Небесное. Аминь.
С праздником всех!
